［假裝在日本］PA-PA-PA，PA-B-LO～～～～～（其實唔係）
1. Er，睇字都知，唔係PABLO，係BAKE，真係BA-KE的誕生。
2. 話說我第一個食嘅芝士撻，係BAKE唔係PABLO。時為2015年尾，我第一次去日本。當時香港好似已經有 BAKE，但好似排好耐，我當然唔會做。
3. 然後嗰次第一次去日本，去到東京，唔知在渋谷定新宿JR見到間BAKE，有人排，但唔係勁多人排，就去排。食咗，冇乜特別。
4. 好啦，今次，原本係埃汾太提我可以訂PABLO。台北當然係有PABLO的，就在信義區新光三越。UBEREAT亦都有得訂
5. 但結果到我訂，就訂唔到！點解？應該係因為太遠。好遠咩？早兩日咪叫過檀島，咪又係信義區新光三越！同一個位！點解檀島就送PABLO就唔送，就唔知了
6. 退而求其次，就訂BAKE吧。而最好笑嘅係，根本台北間BAKE亦係在信義區新光三越！死未。
7. 今次一食，唔知係因為夠新鮮，定係因為幾日冇食甜品，覺得，嘩，驚為天人！好味呀！直頭係好似變身變做個芝士撻咁飛上台北101！
8. 嗰個軟綿綿嘅質感，令我諗起……諗起……初夜呀！嗰次（初夜，唔係PABLO/BAKE）後，真係開咗另一度門戶，發現世間居然有如此美好嘅東西，C’est bon！C’est beau！C’est Manifique。驚歎造物主如此奇妙。埃汾年青時多愁善感，成日睇少年維特，成日想死。嗰次之後，再冇呢個念頭，由睇少年維特變睇少年阿賓。
9. 介紹返，6個總共390。
10. 夜晚就地震，唔係講笑，6.7級。台北都強度4級，有人問我感唔感覺到？何止感覺到，直頭睇都睇到楝樓搖，持續十幾秒，驚驚。
11. 震完後，就食返個芝士撻定驚了。如此美好，巨聲架勢堂，初戀三重奏。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
月頭訂最抵，Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）
Search